VMRTI
Kaj si tak zbleščen, straj te pritišče
zegnileni puklavec,
mesto da munđaš na življenje ti si
glavo potulil na spasenje Bogu,
Dok te pod roko zdavna drži vrag
da nofce s tebom skup broji i premeče
da ti od tog ne bo vekše sreče,
ni drugi čovek da ti nebo tuliko drag.
Zide onak da je morti tu gde jesmo pekel,
a obečali so nam da dok zdenemo pemo v raj.
I sad te bledo gledim i čekam
Jel boš imal obraza mi priznati
Pred čem, Živeti ili VMRTI
Imaš vekši straj?
Vlezni v ot straj, nek te Drava povleče
na gliboko v mul vu klade koje za sebom vleče.
Nek čerepa vetri rasičo po mekotaj,
Nek ti toča sega roda povalja
Nek vode plave rodnoga kraja
dok ničesa ne bo više
Samo telo prebito od nemoči i jada
I joči, tvoje joči, kak dva dogorela duplera
v kmice, v gluvo doba noči gde si
Ufan v pot svoje duše,
gde je život raduvanje,
a milota VMRTI.
Daša
