SLONI GEN
Neki bidu tili znat
zoč nison zaboravi
govorit po našu
onako kako su mi gvorili
nono i ćaća,
nona i teta
bižbarba, i bižteta
konjod
parvi rod i drugi rod
biždide i sve rodice s njime!
zoč nison zaboravi govorit
jazik s kojim su mašklnali
kopoli
broli masline
frigali na gradele
i volili svojega
tovara, kozu i pasa
dovali viru u crikvu
plakoli, beštimali,
kantali i hodili na puhe?
zoč?
zoč?
kad sve utihne
čujen tin sloni gen
kako mi provje
i nison zaboravi..
Neven Dužević
