Se to Drava zvleče
Gledim ju kak se žuri
Brzo teče
Čujem jo kak huči pod mostom
Na stope se namata
Oko sebe se okreće
Mislim si
Kak ta Drava sega smetja
Z mene zvleče
Sam sedim i gledim
Sa sakim se virom vrtim
Zaspim na granju
Dušu pustim da pluta
To kaj imam pameti malo
Dam joj da luta
Tak do dubine dojdem
Pak odonud vidim taj oblak gore
Kaj zgledi kak se črne misli moje
On se črni, Drava teče
Već pri mostu sve se smetje z mene zvleče
Gore čovek po mostu hodi
I on v Dravu gledi, z jočima zapomaže
I njega neki beteg muči
A Drava mu kak i meni pomaže
Brzo teče, baš se žuri, betege nekam odnosi
Se kaj nas pritišće i kaj nam dušu muči
Se to Drava zvleče, a sam teče i teče
Pri mojoj Dravi nikaj mi ni
Ni dok se ovak kak denes črni,
Al tu, pri toj vodi, život mi navek lepši zgledi
Danijela Bocak
