Kak diši mrtvo drevo
Dok se rečni viri, kak moje srčeko,
uznemire
Dok zgledi da črni vragi,kak moje misli,
Z vode vire
Na sprudovima
Dravske nemani svoja krila rašire
pak mi šepču na vuvo žuborima
z nekakovim žmehkim rečima:
Daša, jel ti znaš kak diši mrtvo drevo?
Pak se zamislim, sa vu sebe vujdem, gruntam
na kaj mi diši i v mislima mi se mam pojaviš ti.
Diši na tebe, na sečanje koje bledi
na se lepo kaj se više nebo vrnolo
diši na rastanke i večna čekanja.
Diši po paperu na kojem ove verse pišem
I po stolcu koje ima zrezbareno srčeko
na kojem se nebomo više…
Diši na reku koja ga nosi v neke nove priče
diši na straje, srečo, na ljubav
Koja se zdošla, raspravila i nema je više.
I menim se tak z nemanima
kaj z moje Drave roge puščaju dok z vode vire
Pak dok im zadnjega versa z duše stiščem
Osetim da mi i dalje misli po nama na toplo diše,
Kak da sem pri našoj hiži,
Furt potičem da bolše gori… Al zabadav
Sejedno je kaj mi lepo diši
mrtvo drevo, kad me
žalosti to kaj diši,
A više ne diše.
Danijela (Daša)
