Letni dežđ
Sonce je grelo i
pregrelo pot do Brega.
Veter je hital oreje
I dizal peska,
a mene je dišalo celo to leto
na đurdek,čaj od lipe i travo.
Škanjci su mi bili
kak rajske ftiči,
a sčarajsani debeli oblak
pun dežđa naselil mi se v glavo
v kojoj svetec Ilija več s konji
traga riše se do Drave.
Rekel bi moj pokojni Mane
Da to vidi:
“Nebo, raspri se…”
Rasprlo se je,
Kak da je brana popuščala.
Voda se je zlevala z neba
I z mene,
A žeđna zemla je se to popila,
celo mene,
I sega peska v mene natopila
I poškropila sakojega cveta koji v mene vene.
Brzo je prešlo,leto je,
Sončece pak greje.
Dondače se razvlače
z brega na breg.
Pitam se
Kakvo to srečo i radost
More čoveku donesti,
Kaj po đurđeku diši
Letni dežđ.
Daša
