Srčeko na riflačo
Sonce se je visoko popelo
Pri sosedu već obed diši
Čmele med cvetjem igrajo dok
Se od Bereka pomalem kmiči.
Pak si mislim da mi je malko dežđa
Da te barem ovoga proleta
Z srčeka otplavim,
furt me nemirnom delaš
po mislima mi se premečeš
Lepo se igraš z menom v moj glavi
A meni cela duša kak da gori.
Pobegnem v štagelj, da tam pri senu
Stija koju suzu pustim na riflaču staru
Srčeko da denem i riflam, riflam
Dok te ne skinem sebe, dok te ne zabim.
Pak si zamislim kak se Drava
Prek korita i riflače pretače
Kak odnosi tebe i se betege
zbog kojih mi srečko jafče.
Riflam, riflam al zabadav
Ne daš se z mene oprati,
Oblekla sem nase celoga tebe
Z tebom mi prejdu cajti i cajti
Saki den denem srčeko na riflačo
Riflam, riflam da zabim
Se kaj smo mogli imati,
onu srečo kaj čujem kak zvoni
na cirkvi v daljini
Dok se na meni njiše
uštirkana belina, a
deca po selu vičo, ido svati…
Daša
